جهاد محمود تكتب.....مشهد ستيني حكاوي نص الليل

جهاد محمود تكتب.....مشهد ستيني حكاوي نص الليل
جهاد محمود تكتب.....مشهد ستيني حكاوي نص الليل

مشهد ستيني حكاوي نص الليل
⁩التوقيت 12:56 مشهد إضاءة خافتة في شارع مكتوب عليه "السعادة" لقيتني بتمشي ناس قليلة اوي في الشارع ده معظمهم كانوا رجالة ببدل وطرابيش ،وكل كام واحد ممكن تلاقي واحد لابس جلابية صعيدي وعَمة وبرضو شيك جداً ، الستات كمان لابسين فساتين اللي قصير واللي طول واللي عريان واللي متغطي ، بس بصراحة لطيفة اوي ،ولو كانت لابسة شابوة حتي او لأ ....اللافت للنظر ان محدش واخد باله من حد ابداً ، كل بني آدم في حاله ....
لفت نظري اكتر واجهة محل ضوءها اعلي من ضوء الشارع مكتوب عليه"كازينو السعادة" ،قربت من المحل في رغبة مني اني ادخل ، بصيت علي انعكاس صورتي علي الازاز.....ست لابسة فستان ستيني هادي..جزمة ليها كعب...مع اني مبحبش الكعب بس مينفعش الست الشيك مش بتلبس غير كده دخلت ،لاقيت واحد من الجرسونات بيقولي "سعيدة يا هانم" ترابيزة حضرتك موجودة ، وصلني لحد الترابيزة وقالي "تحببي تتعشي إيه النهاردة؟" طلب حضرتك جاهز كالعادة سلطة ولحمة مشوية علي الفحم مشي عشان يحضر العشا ويبدو اني من زباين المكان هنا
بتابع المشهد حواليا، المكان عبارة عن ترابيزات مدورة عليها مفارش بيضة بسيطة وزهرية صغيرة فيها وردة واحدة حمرا
صوت مطرب جاي من احد اركان المحل طالع من الجرامفون
لفت نظري ترابيزة عليها راجل لابس بدله وعلي يمينه علي الترابيزة الطربوش وكل شوية يبص في الساعة يبدو انه مستني حد....ترابيزة تانية راجل لابس بدلة برضو بس ده مش مستني حد لانها معاه ...قاعدة قصاده سيدة لابسة فستان ....في نفس اللحظة المطرب بيقول "احبه حتي في الخصام" بصلها وابتسم ،يبدو انه كان مزعلها ،فاتنهدت وحطت ايدها علي خدها وضحكت قطع مُتبعتي ليهم الترابيزة اللي جنبي ،راجل بيسحب الكرسي عشان يقعدها ،وبعدها بيسحب كرسيه وبيقلع طربوشه وبيقعد،شاور للجرسون وقاله"هكون ممنون لو جبتلنا اتنين لمون"
"تؤمر بشئ تاني؟"
"متشكر"
ويقول المطرب في اللحظادي "انا هويت وانتهيت ليه بقي لوم العزول؟" يمد ايده يمسك ايدها بخجل تبتسم ابتسامة خجولة وتنزل عنيها في الأرض...يقطع شرودي الجارسون بيقولي "اتمني يعجبك العشا ياهانم..تؤمري بشئ تاني؟"
"هوا ده مطرب جديد؟"
"اها يا هانم اسمه "سيد درويش""
يقطع شرودي صوت الواتساب وافوق ان صوت "سيد درويش" طالع من الهيدفون في مشهد الفيناتي صاخب
انا وحبيبي في الغرام مفيش كده.

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

التالى عاصم صبحي يكتب...في زمن عز فيه القدوة

 
Get new posts by email: