الارشيف / اخبار اسكندرية

هبة عارف تكتب:الحلقة الثانية من أحلى يوم

عُلا : كده ماشى يا"عُمر" بتتريق على حلمى ده بدل ماتقولى حلمك هيبقى حقيقة طب لما ترجع من الشغل مش هسيبك ... يا خسارة ..كان حلم جميل يلا ماعلينا نبتدى بقى يومنا .

يا سلمى .. أصحى بقى وأنت يا أحمد....هتتأخروا على الباص

أحمد : خلاص يا ماما صحيت

سلمى : وأنا كمان

عُلا : ألبسوا بسرعة عقبال ما أحضرالسندوتشات

سلمى وأحمد :حاضر ياماما

عُلا : يلا الباص وصل ...مع السلامة يا حبايبى ..باى ياماما

هدخل أنام شوية بقى ....جرس التليفون يرن ....يوه مين بيتصل دلوقتى؟

عُلا : ألو أيوى يا أمل أزيك عامله أيه.

أمل : الحمدلله ..معلشى بكلمك دلوقتى... أصلى أتخانقت مع" صلاح ".

عُلا : تانى يا بنتى أنتى مش هتبطلى خناق مع جوزك كل شوية.

أمل : أصلك ماتعرفيش عمل أيه المره دى.

عُلا : عمل أيه قولى..  ماخلاص كده  مفيش نوم ..أحكى .

أمل : إمبارح موبيلى هنج وكنت عايزه أكلم ماما فأخدت موبيل "صلاح" عشان أكلمها .

وأنا بكلم جت رسالة ع الموبيل ..فلما خلصت المكالمة جيت أفتح الرسالة ..لاقيت       "صلاح "ماعرفشى طلع منين ..وراح خطف الموبيل من أيدى ..

صلاح : أنتى هتعملى أيه ؟

أمل : أيه فيه أيه فجعتنى ..هفتح الرسالة .

صلاح :وتفتحيها ليه ..هيه جيالك أنتى .. هو ده موبيلك ؟؟؟؟..

أمل : لا ما أنا عارفه إنها جيالك ..بس عادى يعنى أشوفها .

صلاح : وتشوفيها ليه ..هو أيه الفضول ده وإنعدام الخصوصية فى البيت ده .

أمل :طب خلاص ماتزعلشى أوى كده ..يلا أفتحها وقولى اللى فيها.

صلاح :يا سلام مش فاتحها أدامك  .

أمل : آه ه ه  قول كده يبقى الرسالة دى من واحدة وأنت خايف أعرف .

صلاح : آه فعلا هيه من واحدة ست ..خلاص إرتاحتى .

أمل : وبتقولها كده ببساطة ومش همك حاجه.

صلاح : آه واللى عندك أعمليه..

أمل : ماشى يا صلاح .

صلاح : ولا أقولك أنا نازل بقى وخليكى براحتك مع ظنونك ..

أمل : شوفتى يا" عُلا" ونزل وسابنى أهرى وأنكت فى نفسى .ورجع بليل متأخر مبسوط ونزل الصبح من غير مايقولى كلمة.

عُلا:أنتى مش هتعقلى كده وتبطلى غيرتك العامية دى ؟؟ يا بنتى صلاح بيحبك..و اللى بتعمليه ده هو فعلاً اللى هيخليه يعرف غيرك.

أمل: يا سلام وهو لو ظنى غلط ..ليه مايورنيش الرسالة ويريحنى..إلا لو كان فيها حاجه مش عايزنى أعرفها.

عُلا : شكك فيه تملى هوه اللى خلاه يعمل كده.. عشان يستفذك .

أمل : يعنى أيه ؟؟ أنا غلطانه المرة دى كمان.

عُلا : آه طبعاً.. طول ما أنتى مش واثقة فى جوزك وفى نفسك عمرك ما هترتاحى..

أمل : يعنى أعمل أيه دلوقتى وأصالحه إزاى قوليلى أنتى أفكارك حلوة فى المواقف دى..

عُلا: بصى يا ستى لما يرجع البيت أتعاملى معاه عادى خالص وكأنى مفيش حاجه وبعد الغدا قوليله أنا تعبانة شوية وداخله أنام ………ومن موبيلك بقى.....كل رسايل الحب تبعتيها له ماتسكتيش ...لغاية مايزهق وهتلاقيه داخلك بيزعق ..!!

كفاية بقى !!!!وهو بيفتح الباب ..يلاقي "أنا آسفة "فى كل حتة فى الأوضة .

أمل :ماشى هعمل اللى قولتى عليه سلام بقى عشان ألحق ..

عُلا : سلام يا مجنونة.

يعنى كل صحابى بياخدوا رأى فى مشاكلهم مع أجوزهم ومسمينى مستشارة الشلة فى الأزمات الزوجية وأنا مش عارفه أخلى جوزى يحقق حلمى ...طيب ....صبرك عليا يا عُمر...ومش هتنازل عنك أبداً مهما يكون ..........يا حلمى الجميل ...... وفاضل 3 أيام على عيد جوازنا ...

وهنشوف ؟؟؟؟؟؟؟؟؟

رابط الحلقة الاولىhttps://bit.ly/2MR1U3W

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا

Get new posts by email: