الارشيف / اخبار اسكندرية

هل مجموع الثانوية العامة والكلية هو نهاية المسار

كتبت / جهاد احمد بعد الانتهاء من تنسيق الثانوية العامة وظهور نتائج المرحلة الأولى والمرحلة الثانية والمرحلة الثالثة، يقوم الطلاب بالتقديم للكليه التي تم ترشيحه إليها، فالبعض يكون متحمس والبعض الاخر يرى أنها نهاية الدنيا وانه لم يحقق أحلامه ويكمل أيامه بالشعور بالاكتئاب و الشعور بالظلم وعدم تحقيق الذات. فقومنا فريق "مجلة اسكندرية" بتقديم هذا التقرير من بعض طلاب الخريجين من كليات الهندسة والصيدلة والحقوق والتجارة والتحدث إليهم بمعرفة وجهه نظرهم في "كليات القمة" وهل مجموع الثانوية العامة والكلية هو نهاية المسار!؟ "لميس محمد" موظفة في بنك بالإسكندرية خريجة " كلية تجارة" تقول القمة مش فى كليات القمة (طب_هندسة_اعلام) د/احمد زويل كان خريج "علوم" د/إبراهيم الفقى كان خريج " سياحة وفنادق " الداعية مصطفى حسنى "خريج تجارة" القمة انك تبقى قمة فى كليتك تدخل حاجة انت بتحبها تبدع فيها تبقى ناجح فيها اهم حاجة وقال استاذ" وائل قنديل " علي تويتر حسابه الشخصي " كليات القمة وهم لا وجود له الا في البلاد المتخلفة.. ادرس ماتحب وصعد الي قمتك الخاصه " ورأي اخر ل " أحمد مداح " خريج كلية هندسة أوضح انه عند ظهور نتيجه الثانوية العامه والتحاقه بكلية الهندسة كان سعيد جدا بهذه الخطوة ورأى انه حقق كل أحلامه لكن مع مرور الوقت وبعد التخرج علم انه لم يحقق اي شئ وان كليات القمة وهم وان القمة هي النجاح في مجالك بغض النظر عن الكلية. وصرح المهندس " هشام أحمد" احد مشاهير السوشيال ميديا بأن المجتمع لم يعد يحتاج الي كليات قمة، المجتمع يحتاج إلى أفكار وراء نجاح كل شخص كانت فكرة صغيره، المجتمع يحتاج الي مواهب ومهارات وينصح الشباب ان ينمى مواهبه حتى تكون مصدر مكسبه وأخيراً ان الشهاده ليست مقياس للنجاح انت الي بتنجح بأفكارك ومواهبك اعمل الي بتحبه واصنع قمتك بنفسك ومن خلال مقابلتنا مع العديد من الطلاب والخريجين من جميع الكليات اتضح لنا الأتي.. النجاح ليس مرتبط بالكلية أو مفهموم كليات القمة هناك اسباب اخري ~ هي مكانة وتأثير الشخص نفسه في المجتمع وإضافته لحياة الناس وكلما كان ليك تأثير أكثر اذادت مكانتك مش كل اللي بيدخل كليات المجموع العالي بيكون ليه قيمة في المجتمع لكن مجال عملهم بيكسبهم هذه القيمة "تقدر تقول قيمة بالتوظيف وليست بالإضافة او الاعمال" وبالتالي أي شخص في المجتمع حتي لو كان بياع خضار بس له تأثير في مجتمعه قد يكتسب في القلوب نفس مكانة الدكتور ~ بأعماله~ عايزك تخرج من حيز صندوق تفكيرك هتعرف أن المجتمع بينظر نظرة سطحية للأمور وأنت من يصنع قيمة نفسك "قيمة الإنسان هي مايضيفه للحياة بين ميلاده وموته" مش عايزك تقيم نفسك علي المكانة اللي بياخدها شخص وسط مجتمعه الصغير عشان دخل كلية عالية وأنت مدخلتهاش مش معني أن في حاجة غلط الناس كلها مقتنعة بيها تبقي هي الصح استاذ " أحمد سليمان" خريج كلية اداب ومدرس تاريخ ثانوية عامة قال "الثانوية العامة مش نهاية العالم . ولا نتيجتك فيها اللي هتحدد اذا كنت هتفشل ف حياتك ولا هتنجح ، و مفيش حاجة اسمها كليات قمة و الباقي ملوش لزمة .. مفيش حاجة هتتعلمها ف حياتك ملهاش لزمة .. اللي يجيلك اتعامل معاه ، و اللي جاي اشتغل ع نفسك و طورها ايا كان هتدخل كلية ايه . حط ف دماغك انك مهم و انك مش اقل من حد ، و انك طول ما انت عايش و فيك نفس تقدر تعمل معجزات "

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا

Get new posts by email: