أخبار متعلقة :
الجوهري الشبيني : مصر تحافظ علي حدودها ضد المخطط الدولي في الصومال
أوضح دكتور الجوهري الشبيني خبير الطاقه الدولي ان مصر تحافظ علي حدودها ضد المخطط الدولي في الصومال الصحافة العبرية، وصحيفة "يسرائيل هيوم" نشرت بعناوين كلها رعب بتقول: "مصر بتوجه جيشها للرد على إسرائيل من الصومال". أشار الجوهري الشبيني الي أنهم اكتشفوا إن "اللعب مع الكبار" له ثمن غالي، وإن القاهرة قررت تروح لأبعد نقطة في الجنوب من أجل تامين بيتها من الامام . أضاف الجوهري الشبيني :« إسرائيل كانت فاكرة إن الطريق فاضي، راحت اعترفت بإقليم "أرض الصومال" المنفصل عشان تحط رجلها عند مضيق باب المندب، وتفتح الباب لحليفتها إثيوبيا» . أوضح الشبيني أن الرد المصري كان صادم ؛ حيث أعلن الرئيس السيسي في بيان واضح : "سيادة الصومال خط أحمر"، ومصر مش هتسمح بأي مساس بأمنها القومي.. والترجمة كانت: 10 آلاف جندي مصري في الصومال. الخبراء العسكريين أكدوا إن التواجد المصري قانوني 100% تحت غطاء الاتحاد الأفريقي. مصر هنا مش بتهدد حد، هي "بتحمي"؛ بتحمي الصومال من الأطماع، وبتحمي مدخل قناة السويس من أي محاولة خنق. إسرائيل وإثيوبيا اللي كانوا بيخططوا يحاصروا مصر من الجنوب، فجأة لقوا نفسهم هم اللي محاصرين سياسياً وعسكرياً بوجود "أنياب" مصرية على أرض الصومال. الإعلام العبري مرعوب لأنهم أدركوا إن مصر استعادت نفوذها التاريخي في أفريقيا. مش بس بالدبلوماسية والكلام الحلو، لا.. ده بقوة ردع قادرة تقلب الطاولة في ثواني. النهاردة مصر بتقول للعالم: "اللي يقرب من حدود أمني القومي، هيشوف وش تاني خالص".