الارشيف / ثقافة وفن

هبه عارف تكتب:عودتني

عودتنى

عودتنى على عطفك

ومهما أسىء مابتحرمنيش من لطفك

عودتنى على كرمك

ومهما أبخل مابتحرمنيش من فضلك

عودتنى على قربك

حتى فى بعدى عنك بتكون قريب

مهما تضيق بيا الحياة

أجرى عليك تقبلنى وبرحمتك تغمرنى

وفى همى تبعتلى اللى يفرحنى

وإطبطب عليا فى جرحى

عمرك مانستنى ثوانى

وأنا اللى ياما بنساك فى أيامى

وأرجع تانى لمعصية غلبانى

وأقول لنفسى لفين موديانى

أنتى طالبة جنة ولا ع النار ساحبانى

إمتى تفوقى من غيبوبة الحياة اللى وخداكى

وتقربى تانى وتعرفى إن الطريق لله هوالنجاه

وكفاية غفلة فى دنيا زايفة تبعدك عن الحقيقه

ده أنتى أتخلقتى عشان تعبدى الآله

 طب كم مره فكرتى ؟ كم مره بعدتى؟ ومن الحقيقة هربتى؟

وف كل مره كان حلمه يسبق غضبه عليكى

وبفرصة تانية يهديكى

وأنا خايف عليكى بضيعى الفرصة كل مرة من إيديكى

ورسايل كتير وإشارات توصلك منه تعالى

وأنتى معانده ولحد إمتى هتفضلى على شيطانك مش قادره

وأتمليتى بالكبر وأتغرتى بحٌبه وصبره عليكى

وأنتى مين تكونى لولاه ما أتوجدتى ولا كنتى

إلحقى وأسبقى الأيام لسه الفرصة أدامك

عشان ترجعى لصوابك

باب التوبة مفتوح تملى وبالأستغفار تمحى اللى فاتك .                            

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا