الارشيف / ثقافة وفن

هبه عارف تكتب: أحلى يوم

أنا عُلا اتجوزت من عشر سنين وقبلها خمس سنين خطوبة وحب ، وبعد الجواز مشاكل الحياة غيرتنى أنا وعُمر جوزى، و من غير قصد مننا لاقينا نفسنا عايشين حياة مختلفة عن اللى كنا بنحلم بيها قبل الجواز، رغم إن جوازنا ناجح الحمدلله ، لكن مع الوقت إفتقدنا حاجات صغيرة بس مهمة فى نفس الوقت لحياتنا ، تعالوا شوفوا حياتى ومشاكلنا اليومية عاملة إزاى.

عُلا: الصبح وقبل ما أفتح عيونى شميت ريحة ياسمين، وأنا بحب أوى ورد الياسمين بفتح عنيه لاقيت عُمر ماسك وردة ياسمين وبيصحينى بيها وبيقولى صباح الخير ياحبيبتى

عُلا: صباح النور ياحبيبى

عُمر: انهارده كملنا عشر سنين جواز كل سنة وأنتى منورة حياتى

عُلا: كل سنة وأنت مالى حياتى بالهنا

عُمر: أنا انهارده أجازة وهنعيش يوم من أيام شهر العسل هودى الأولاد عند ماما ولما أرجع تكونى جهزتى عشان نخرج .

عُلا: ماشى يا حبيبى

وفعلاً قضينا يوم من أحلى أيام حياتنا ، عُمر ودانى كل الأماكن اللى بحبها ، وقتها حاسيت أد أيه هو حريص أنه يسعدنى اليوم ده ورجعنا عشر سنين ورا  بحُبنا وإحساسنا ببعض.

لكن الوقت الحلو تملى بيخلص بسرعة ، وفى نهاية اليوم رجعنا البيت وعُمر طلع يجيب الأولاد من عند ماماته ، أصلها ساكنة معانا فى نفس العمارة وأنا دخلت البيت وأنا سرحانه فى عُمر ومن غير ما أحس رُحت فى النوم وصحيت على صوته وهو بيصحينى :  عُلا اصحى فين فردة الشراب البنى ؟

عُلا: أيه ياحبيبى جبت الأولاد من عند مامتك؟

عُمر: ولاد أيه اللى عند ماما ، دول لسه نايمين وهيتأخروا على المدرسة اصحى بقى.

عُلا: وقتها فهمت إنى كنت بحلم ...............

عُمر: أيه أنتى لسه بتحلمى ولا أيه ؟

عُلا: أما أنا حلمت حلم جميل

عُمر: خير أحكيلى بسرعة

حكيت وبعد ما خلصت قولت : أنا مش عارفه ليه حلمت بالحلم ده ؟

عُمر: أنا عارف

عُلا: بينى وبين نفسى بقول هيحقق الحلم ها !!!!!!!!!! أيه يا حبيبى ؟

عُمر: عشان طول الليل وأنتى نايمة من غير غطى يا حبيبتى !!!!!!!!!

عُلا: آه عشان أنت ساحب كل الغطى كأنك نايم لوحدك...........

وبدأت معركة من المعارك اليومية وكل واحد بيقول للتانى الغلط عليك.

بس يا ترى عُمر هيحقق الحلم ولا هيفضل على موقفه ؟؟؟؟؟؟؟؟؟

ده اللى هنعرفه المرة اللى جايه..........

 

 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا