الأمس كنا مع ( السنكري ) من خلال كلمات سهلة وبسيطة نظمها
أديب البسطاء / عادل حراز
واليوم نلتف جميعاً حول كيفية تشغيل ( وابور الجاز ) والمادة المستخدمة
( الجاز )
( بياع الجاز )
( الجاز المستخدم لوابور ولمبة الجاز )
ليأتي لنا ( بياع أنبوبة البوتجاز )
في ديوان
( زمن بيدوب )
( بياع الجاز بياع الأنابيب )
بياع الجــــــاز ...وبتاع الانابيـــب
**********
الحكايه وبايجاز
الدنيا فجأة اتغيرت
بقى كل شيىء بالكهربا
مسامير عضامنا اتمسمرت
بلدغة من ايد عقربه
ساعة ما كنا سرحانيين
ماشين يمين ومصدقين
ماشيين شمال مع مجرمين
فهمونا :
ان الجاز ده مهنه كويسه
والصغير لما يكبر راح يخش المدرسه
مدرسة بترول
والفصول ...فيها بير كبير
كل الدراسه فيها
توصّل المواسير
من كفر عبده... للغردقه
تاخد شهاده كشيخ خليجى
تبقى اجدع من فريد وم المليجى
ممكن تصدر غاز لبره
تروح وتيجى
وتروح وتيجى !
طول عمرنا سريحه
ف الشوارع ..والزقايق
وف حوارى المعدمين
طول عمرنا ..جدنا بيبع ف جاز
واما جه جيلنا اللى بعده
كان نصيبه انابيب
انابيب بوتاجاز
طول عمرنا ويا الخطر عايشين
طول عمرنا متهددين ..
زى اللى ماشيين ع الازاز
ايه يعنى لما نتفق..
مع عزرائيل
ونصدر الغازاللى طالع لاسرائيل
ونشد حبل المشنقه
على كل واحد باع ف جاز
وكان بيمشى ع الازاز
وقلبه كان زى الفولاذ
وايده زى المطرقه
اصل الحكايه م البدايه للنهايه
فيه ناس حثاله
وناس عزاز
حسين سالم مش حسين
كان مبارك ع الضفتين
وهما بره معروفين
انت بقى راح تبقى مين ؟؟
انت واحد باع فى جاز
مين اللى صورته منوره
ف البرواز ؟؟؟!!
عادل حراز
من خلال رصد ما تم عرضه في الأيام القليلة الماضية وأيضاً ما يتم عرضه علي مدار الأيام القادمة تدور حكايات
أديب البسطاء/ عادل حراز
ليقديم صورة واقعية بكلمات بسيطة تحاكي الزمن
وبإحترافية شديدة لإمتلاكه أدواته الأدبية
يذكرنا بالمهن الحرفية التي إندثرت وتلاشت وفي عبوره آلة الزمن يغزل خيط الطرف الأول منه تلك المهنه القديمة والآخر أحداث وقضايا معاصرة
الكاتب عادل حراز لايرسل رسائله للمثقفين فحسب لكن يرسلها للبسطاء لبناء وعيهم علي أسس سليمة
وفي محاولته الشعرية لإنعاش العقل
جاءت كلمات
الكاتب / عادل حراز
يتحدث عن (بياع الجاز والأنابيب )
في ديوان
( زمن بيدوب )
الصادر عن مؤسسة حورس الدولية للطباعة والنشر والتوزيع برئاسة
الأستاذ/ أحمد عبد المنعم رئيس مجلس الإدارة
ديوان ( زمن بيدوب )
أنتظروه قريبا
روايات أديب البسطاء/ عادل حراز
في
حورس بوك ستور
(٤٧ مصطفي كامل بجوار كلية التربية الرياضية بنات بوكلي )
حورس بوك ستور توفر خدمة التوصيل إلي القارئ بشكل آمن وسليم
035432205
01010555334 / 01200955700
Website : WWW.horuspublish.com
email : Horus.alex@hotmal.com
Horus.alex2007@yahoo.com
Instagram :Horus publish.
Facebook :Horus International Institution Horuspublish
أخبار متعلقة :