لو كل واحد فينا عنده محبه لغيره عمرنا ما هنلاقي صراعات ولا مشاكل ولا حتي كره . الحياة هتكون ابسط بكتير جدا هنلاقي الحب والامان والهدوء في المحبة .
المحبة والتسامح هي اللي بتميز جداا الشخص السوي كل واحد فينا جواه محبة وتسامح بإيدك تكون إنسان سعيد لان كل مفاتيح السعادة بتبداء من جواك .
عيش الحياة بمحبة ساعد غيرك بمحبة ومتستناش مقابل المحبة اللي هتقدر تخليك ترمي كل همومك ومشاكلك وراك وهي اللي قادرة تخليك حابب بكرة وحابب كل الناس اللي هيبقوا معاك فيه وهي اللي هتعملك بطل قصة حياتك وهتزرع فيك طموح جديد مابقاش فاضل وقت كتير اننا نزعل ونشيل من بعض ارموا كل خلافات امبارح بمواقفه اللي مش لذيذة اتعلمنا منه وخلاص نبداء نعيش بقي حياة المحبة من دلوقت قبل بكرة الحياة الحلوة اللي بجد هتبداء بمحبتك دي متستناش تعاتب حد سامح اااه يا سيدي ساااامح وانسي وحب وعيش جرب مش هتندم حاول تتغير للحياة دي هتلاقي فرق كبير بمجرد تفكيرك انك هتزرع المحبة جواك لغيرك واعرف ان هي اساس ان كل اللي حواليك هيلاحظوا انك مختلف ، مميز حد كدة حبوب بيخطف القلب من اول كلمه منه ، وهي برضوا اللي هتعلمك التواضع والهدوء والسلام النفسي كلنا مفتقدين يبقي لينا محبة لغيرنا واكيد هيبقي لينا رصيد كبير من الحياة
