"والله يحب المحسنين"

 كلمات الشاعر - أحمد عبدالحميد

ادعي لعجوز بيعدي ف الشارع ..
                 ملقاش ولد من دوري بيعدّيه ..

ادعي لولد من دوري لو ملقاش ..
                 دعوة عجوز مفروض يحنّ عليه ..

الخير رباط مشدود ما بين طرفين ..
                        والرب فوق لكن كمان بيننّا ..

بيمد أيد ف الشدة بين اتنين ..
                          يفعل بنا ما تفعل الشحنة ..

مش كل معروف تعمله بترميه .....

 الراجل اللي وصفلي مستشفى ..
                            عالج مع الدكتور مرض صابني ..

صاحبي اللي قابل ضحكتي ب زفة ..
                              لو كان بعيد فالضحك قرّبني ..
                           
لو كنت بخسر حد جرّبني ..
                              ولقاني مُستهلَك فـ ملّ وغاب ..

والله مش هزعل عشان نابني ..
                           بعض الونس واللطف قبل غياب ..