تعرف على سبب تغيير اسم شاطئ "أبو هيف " الى أسحاق حلمي وإيناس حقي

تسأل عدد كبير من رواد الشواطئ عن سبب تغير اسماء شواطئ ابوهيف الي "اسحاق حلمي/ ايناس حقي"  حيث كان ليهم بصمه كبيره في مجال رياضة السباحه. 

اولا "شاطئ ابو هيف1"
 اول ابطالنا السباح العالمي عبد اللطيف أبو هيف  (تمساح النيل) كرمته مصر والعالم و أخد وسام الرياضه المصرية و اتلقب عالمياً ب " سباح القرن العشرين " ومنحه الاتحاد الدولي لمحترفى السباحة الطويله لقب أعظم سباح  فى التاريخ واتسمى على اسمه شاطئ من اشهر الشواطئ فى اسكندرية بمنطقة سيدى بشر .



ثانيا "اسحاق حلمي" بدلا من"شاطئ ابو هيف2"
 البطل اسحاق حلمى اللى مارس كرة القدم والفروسية وانتهت مسيرته الرياضية بالسباحة  واطلق عليه عميد السباحين المصريين وكان أول سباح مصرى يعبر المانش  والإنجليز سموه فرعون النيل وبالمناسبة هو المثل الاعلي واللى ساعد السباح عبد اللطيف أبو هيف فى مشواره الرياضى.



ثالثا" إيناس حقي"بدلا من "شاطئ ابو هيف 3"
 إيناس حقي (عروس النيل) وهى أول سباحة مصرية تفوز بلقب بطلة العالم الأولى فى سباحة المسافات الطويلة للفتيات فى فرنسا سنة 1955 وبالمناسبة هى والدة البطلة عبلة خيرى أول مصرية تعبر المانش سنة 1974 وصاحبة الرقم القياسي كاصغر سباحة تعبر المانش فى عمر ١٣ سنة ولحد النهاردة الرقم ده محدش قدر يحطمه وايناس حقى كمان زوجة عادل خيري إبن المسرحى العظيم بديع خيرى .


جدير بالذكر  أن إسم السباح ابوهيف كان علي ثلاث شواطئ " أبو هيف ١ و٢ و٣ "
مما كان يسبب مشكلة كبيرة وخاصة عند توقيع الغرامات وتحصيلها على الشاطئ  وأيضا للمصطافين خاصة عند وصف الشاطئ أبو هيف  .
لذلك تم تغيير  اسماء الشواطئ تخليدا لاسماؤهم على مر العصور ونعرف اكتر تاريخ ابطالنا .


 

الكلمات الدلائليه اسكندرية