أنا الشراع. أنا المينا ....
أنا كل مرسى في مدينه .....
أنا اللي شعري في روايه ....
وقصايدي تايهه في غُنايا ....
تراب الماس ده كان ايدي .....
ومعزوفتي عايشه في وريدي ....
حُب الحياه وده فني ....
واديني عايشه وبغني ....
سألوني مذهبي وديني .....
قولتلهم ايماني في يقيني .....
ايماني سبحه وسجاده .....
ومينا صليبه ده عباده ......
ده مينا صاحبي واخويا......
في مصر تاهت اخبارنا .....
ورجعت تاني مراسلنا ......
واحنا ماحد يغيرنا.......
وحب الحياه ده كان ديني .....
قالولي اضحك وعيش مره ......
حٍب الحياه ولو مُره .....
دي ليها طعم ولون تاني ......
دي صبيه حلوه وعجباني ......
طال مشواري في سكتها ......
وانا ماشي لسه طريق بيتها ......
يضلل حبها على اعتابي ......
وقفت مره وسألتني ......
يابن الناس ليه حبتني ......
ده انا يوم حلوه ويوم مُره .......
مش بسهوله تعشق حُره .......
حبيتك والهوا غلاب .......
ده ياما كسر قلوب احباب ......
انا طير في الهوا وعاشق وبسألك حبك حقيقه ولاسراب ...
سكتت والقلب صار يدق ....
والناس تنادي ياقلب لأ...
اتاريها عايشه جوانا ...
حٍب ذاتك ده حُبها امانه ....
#ياسمين_الحسيني
