قالت نجمة الأوبرا المطربة دعاء رجب كان من ضمن أحلامى التمثيل المسرحى وخاصة الغنائى الإستعراضى لإنى من عشاق المسرح جداااا... ولكن مجتش ليا فرصة كويسة قبل كدة عشان أوافق عليها ... المسرح مش جديد عليا ولكن كغناء فقط لإنى مطربة بدار الأوبرا مع المايسترو الكبير/ عبد الحميد عبد الغفار .. أول من رشحنى للعرض المسرحى الغنائى الإستعراضى كان دكتور /محمد حسنى اللى قام بألحان المسرحية .. مترددتش لحظة لإنه ثقة بالنسبالى .. فهو صديقى ودكتورى ومدربى للأصوات الشرقى فى الأوبرا ... الإختبار كان من حوالى تلات شهور وقابلت المخرج الكبير العبقرى/محمد الزينى اللى قدر فعلا يطلع الموهبة المدفونة اللى جوايا فى التمثيل خلال الورشة ... بعد الورشة استلمنا الورق وأثناء القراءة عينى وقعت على شخصية حسيت إنى اقدر اقوم بيها وبالفعل اتفاجئت إن المخرج محمد الزينى كان فى دماغه فعلا إنى أعمل الدور ده ... شخصية أنجوستياس البنت الكبيرة من الزوج الأول لبرناردا ألبا .. أنجوستياس شخصية مغرورة ومتعجرفة وقوية بفلوسها لإنها ورثت من والدها ومن زوج والدتها وفى نفس الوقت مغلوب على أمرها زى اخواتها الأربعة من زوج والدتها برناردا ألبا ... أمالها الوحيد للخروج من سجن أمها هوة جوازها من رومانو اللى يصغرها فى السن .... سعيدة جدااااا بالتجربة الأولى وإن شاء الله ليست الأخيرة
