الحنطور وسيلة مواصلات قديمة بين المحافظات ويرجع دخولها مصر الإيطاليين وكان يتم إستيراد جميع مكوناتها من الخارج ويتم تركيبها في مصر ولكن بمهارة وذكاء العامل المصري عرف المواد التي يتم بها تصنيع قطع الحنطور و وصل لسرها
وقام بنفسه بتصنيع قطعها بيده بأستخدم الخشب والحديد
من ديوان
زمن بيدوب
( الحنطور )
نستدعي مع أديب البسطاء / عادل حراز حكاية الحنطور من خلال ديوانه
بعد أن تم فرمها تحت عجلات الزمن
ليذكرنا بروائع السينما المصرية وأشهر أفلامها ماقدمة الراحل عبد المنعم مدبولي عن مآساة الحنطور وصاحبه في فيلم
( مولد يا دنيا ) لتكون من أشهر أغاني الأفلام المصرية حتي الأن
( زمان وليالي زمان )
وأيضاً الفيلم الإستعراضي ( غرام في الكرنك ) والراحل محمد العزبي ( الأقصر بلدنا ) في مشهد من أروع المشاهد الإستعراضية
أديب البسطاء/عادل حراز يأخذنا معه اليوم جولة في الحنطور لنطوف أجمل الأماكن على نغمات الحصان الهادئة والحنطور بدون حواجز تمنع الهواء وتحجب الرؤيا فتهيأ الروح لصفاء نفسي
وتجعل العين تري الأماكن بشكل جديد تكون فيها الأماكن رحبه
أديب البسطاء/عادل حراز لم يلجأ في أشعاره لإستخدام كلمات اللغة العربية الفصحى التي تصعب على القارئ قرأتها وفهمها
لأن لغتنا العربية بحور من الكلمات التي تحمل أكثر من معني
لكن كتبها بمفردات بسيطة متداولة لدى العامه لتيسر على القارئ سرعة قرأتها وفهمها فيندمج معها القارئ ويكون في حالة إلتصاق وتعايش مع المعني
ولأنه يتحدث عن حرف ومهن بسيطة أصاب الهدف بالكتابة بأسلوب سهل بسيط
الحنطــــــــور
******
اتنين فواعليه
انا والحصان ياما
لفتنا دوامه
من بحرى لمنشيه
نركب سوا الحنطور
قرش العرق مستور
في الضلمه شمعة نور
والدنيا ملا ليه
مهما الزمن بيميل
برضه الحصان ده اصيل
والعربجى في الليل
بيسوق بحنيه
قالوا الزمن خانوا
طبطب على حصانه
ومسح له احزانه
من جرح عربيه
م القلعه لكامب شيزار
استرنا يا ستار
ليل الشتا جبار
ولا نافعه شمسيه
والباشا ف الكبوت
قاعد كده مبسوط
متغطى بالزعبوط
وانا عومت في الميه
واد بالدره واقف
بيشوى ع الواقف
والحال هنا واقف
والدنيا مشتيه
بص الحصان بصه
رص لنا كام رصه
الفحم لو بصه
ناره مدفيه
اركن هنا ونزل
الباشا له منزل
اسطبلى متزلزل
وحيطانه مهويه
ومين يحس البرد
الا اللى مسك النرد
والحظ جه ع القد
والشمعه مطفيه
اركن بقى الحنطور
الدنيا خلاص بتدور
والبحر خلف السور
والناس مطاطيه !
بتبص ع الرجلين
يمكن تلاقى اتنين
م الموجه مش خايفين
ونزلوا للميه !
والميه كدابه
هاديه وقلابه
دى ضحكتك يابا
ونس المراكبيه
تضحك ومايهمكش
لو الزمن ما اداكش
تصبر ولا تتعبش
صبر السواحليه
تقطع ومن قوتك
تدى الحصان توتك
وتطمنه بصوتك
تسقيه بحنيه
ولا عمره خد كرباج
على راسه حطيت تاج
وتدلعه بفراج
وتجيبله زهريه
قالوا الحصان حيوان
انا قلت لاء انسان
ولا عمرى شوفته جبان
فى نزله حربيه !
عادل حراز
مهرجان الحنطور
. ديوان
( زمن بيدوب )
أنتظروه قريبا
Soon
من إصدار مؤسسة حورس الدولية للطباعة والنشر والتوزيع برئاسة
الأستاذ/ أحمد عبد المنعم رئيس مجلس الإدارة
حورس بوك ستور
(٤٧ مصطفي كامل بجوار كلية التربية الرياضية بنات بوكلي)
توفر خدمة التوصيل إلي القارئ
للتواصل
035432205 )
(01010555334 / 01200955700
Website: WWW.horuspublish.com
email : Horus.alex@hotmal.com
Horus.alex2007@yahoo.com
Instagram :Horus publish.
Facebook :Horus International Institution Horuspublish
