ديوان ( زمن بيدوب )
أديب البسطاء/ عادل حراز في حالة عشق دائم مع الماضي جعل ذاكرته سجل يدون فيه ذكرياته مع أهل الزمن الجميل
الكاتب عادل حراز مازال يعيش بمشاعره بين جدران الماضي بكل تفاصيله ولا يستطيع أن ينسلخ من جذوره لإيمانه أنه من يتخلي عن جذوره ويترك أرضه بكل مالها وماعليها لاينبت له ثمار نضرة علي أرض آخري
أديب البسطاء/ عادل حراز حقق حنينه إلى الماضي ليعود به علي أرض الحاضر
من خلال توثيق
مهن وحرف غابت عنا ورحلت في ديوان
( زمن بيدوب)
ضم فيه جميع المهن والحرف التي طويت تحت عجلات قطار الزمن ونساها العالم
ليذكرنا بها
ليدون في سطوره كل ثغرات المهنه وكيف كان صاحبها يسوقها بين جميع الطبقات
ولم يكتفي بالمهنه فحسب لكنه دون بكلماته مشاعر ألتصقت بصاحب المهنه جعلتنا نتفكر في أمره لنتعايش معه حاله ونتقاسم معه قسوة أيامه .
معنا اليوم حرفة ( المنجد )
رفيق الدهب الأبيض المصري
مهنة( المنجد )
مهنة يعتمد فيها المنجد منذ قديم الزمان علي مهارته اليدوية دون تدخل أي شكل من أشكال الآلات
تعتبر من أهم المهن أدواتها القوس والمطرقه والعصا والخيوط وأبرة الخياطه
إلي أن جاء التقدم وأصبحنا نستخدم التكوينات الصناعية التي تدخل في صناعة (المرتبة والزيادة)
التقدم والازدهار كانتا من أهم العوامل المؤثرة القاسية علي رزق( المنجد )
ولنري كيف صورها لنا الكاتب عادل حراز.
المنجد
من ديوان ( زمن بيدوب )
لأديب البسطاء/ عادل حراز
المنجــــــد
****
سندت ظهر الوطن بقطن كان مصرى
فرعون طويل التيله بيدل عن اصلى
ابيض عيار بندقى زى الدهب ف السوق
مختوم بختم النيل ..محفور عليه اسمى
وحلمى كان مرتبه لكل اللى نام ع الارض
القطن دا مكتبه.. .زى القرايه ...فرض
والسنه لو ينزرع ويتروى بضمير
مفيش بيوت تنكشف ...
ولا ينكشف فيه عرض !
انجد مراتب انجد لحاف
انجد مخده ليوم الزفاف
مخده لقلبك.. مخده لقلبه
وأجمع مابينهم
بتلّ العفاف !
واول ما بدخل لبيت العروسه
تزغرد خالتها وتبقى ف حوسه
تفضى ف صاله تفضى ف اوضه
وتفرش حصيره بعرض السطوح
تقولى مامتها مراتب عريضه
وطول المخده بطول الجريده
واعمل حسابك دى بنتى الوحيده
ابوها بقاله يومين ف السروح*
حيرجع بخيره ..يولع بخوره
ويبدر فلوسه ....ورزقه يفوح
ادندن ..أغنى بقوسى لقطنى
اعاير قماشى انا وابنى حسنى
آاقيسه بطوله وآاقيسه بعرضه
وازوق لحاف العروسه بستان
واقص بمقصى عروسه صغيره
واخت العريس بتعمل ضفيره
واحدد بابره مكان الحواجب
وهى تسرّح ف ديل الحصان
منجد مراتب لباشا وخفير
تنام العروسه عليهم تطير
وتحلم بنونو ف شهره الاخير
وتفرد دراعها مخدة حنان !
ياقطنى ياغالى ياعشرة سنين
يازهر المداين يا اول جنين
غيابك يشكشك بأبره ف ضلوعى
وقوسى يصحى ف قلبى الحنين
ونيلك بيبكى مابلش ف ريقى
ومين بس غيرك ينور طريقى
لافيه حد قلبه عليا يحن...
ولا حد غيرك حيصبح صديقى
ولاد الابالسه جابولنا مراتب
تعلى اللى واطى وتقلب مراكب
ونخسر فلوسنا في سلك وحديد
وهما ف بنوكهم تزيد المكاسب
ومين اللى علا زمان ف العباد
غير حد قطنو طرح ف البلاد
زمانكوا مرقع وكله مواجع
مراتب سفنج ..بتولد ولاد
ــــــ
* السروح : ذهاب الصياد على المركب للصيد يطلق عليه سروح بمعنى يسرح للصيد
عادل حراز
أنتظروا قريبا
( زمن بيدوب )
من إصدارات مؤسسة حورس الدولية للطباعة والنشر والتوزيع برئاسة
الأستاذأحمد عبد المنعم رئيس مجلس الإدارة
جميع روايات
الكاتب/ عادل حراز
في حورس بوك ستور
( 47 مصطفي كامل بجوار كلية التربية الرياضية بنات بوكلي)
توفر خدمة التوصيل إلي القارئ بشكل آمن وسليم
للتواصل
(035432205 )
(01010555334 / 01200955700 )
Website : WWW.horuspublish.com
email : Horus.alex@hotmal.com
Horus.alex2007@yahoo.com
Instagram :Horus publish.
Facebook :Horus International Institution Horuspublish
