طفو النور للشاعر عبد الله غباشي

(طفوا النور) كالعاده 'نومي' لسه مافهمنيش شادد لحافُه غباوه من عيني أول ما بغفَل، يبتدي التلطيش فينك يانوم يابن الجفا، وفيني جرَّبت اوطّي الدَوشه من ودني وحاولت اداري بَرقُه، فـ رعدني سَلِّم لكل الخلق خدُّه مداس مدّيت له إيدي أضُمّه، هددني النوم عبادَه، دِلّوني على قِبلِتُه هتبوس كفوفه عيوني لو قابلِتُه شَرَّبته 'تركيبه' تهد أجدع فيل شاطها القفيل على فرشِتي، بَلِّتُه أَرمِش بجفن القلب يمكن انام تحرق دموع النبض قلب عنيِه أسأل منين الراحه وادفع كام؟ تضحك جيوبي: وانت تملُك إيه!؟ عبدالله غباشي

الكلمات الدلائليه فن الفن ثقافة الثقافة