الواحد مننا اوقات كتير بيكون جعان
جعان حب ، اهتمام ، غيرة ، فرحة ، ونس
الفكرة انك لما تحب تدخل تتعامل مع حد خليك ذكى
ادخل وانت جواك يقين انك داخل تاخد
فلازم تفهم انه لازم تاخد الى محتاجه بما يناسب احتياج الاخر تاخد منه الى ينفع يديهولك من غير اذية
فى ناس بتدخل تهتم لوقت قصير علشان غرض معين
وتخلع بعد ما الى قدمها اتعلق...
اتعلق بمكالمة الصبح اتعلق بالاهتمام .. اتعلق بخطوبة مزيفة أو حتي زواج صامت بينتهي بفشل سريع
فكرة التنطيط الكتير ده سببه عشوائية فكر ومشاعر
انت مش عارف توجه حالك للصح
مش عارف تدى الى عندك للانسان الصح
مشوش
القلوب ذى البيوت اذا دخلتموها التزموا بطقوسها واحترموها واحسنوا الجلوس واتركوا فرحة وراحة يشهد بها ساكنها
صدقونى الناس لبعض طريق اما نجاه او هلاك
ممكن تخلى حياة الى قدامك تدمر بسبب دخول عشوائى
الخلاصة وانت داخل حياة حد اعرف انها مش لعبة شوية وتكسب علشان يسقفولك
الى بيسقفلك شايفك وحش بس مجاريك علشان غرض بكرة هتعرفه مش علشان بيحبك لانه ببساطة لو بيحبك مش هيخليك تتأذى لان الأذية خسارة مشتركة والحياة داين تدان ...
لما بتدخل حياة حد وانت عشوائى بتضيع وقت غيرك يتمنى يكون جنب الحد الى انت دخلت حياته وتعبته
حد تانى جى لغرض يفرح وانت جيت ومشيت سبته تايه مش عارف يروح فين ولا لمين وقتها لو دخل الانسان الصح للانسان الى اتوجع منك هيلاقيه مخوخ فاضى معندوش الى يديهوله لانه ببساطه اداهولك وانت متستاهلوش ..
متطفوش نور قلوب معملتلكوش حاجة
ستأتي الأشياء من تلقاء نفسها دون أي جهد؛ أو سترحل للأبد رغم كل مجهود ..
وصدق من قال
ولا عزاء لمفغلين الحب هناا
