صدمة الثانوية العامة تضرب البيوت المصرية ومطالبات بإقالة وزير التربية والتعليم"طارق شوقي"

بنسبة نجاح للثانوية العامة لهذا العام ٢٠٢٢ بلغت ٧٥٪؜  وتوقعات مبشرة بهبوط التنسيق عن العام الماضى ، حيث نسبه النجاح فى شعبه علمي في نسبه النجاح 76% ونسبة النجاح فى شعبه الادبي اقل في نسبه النجاح 70%
ولكن صدمة الثانوية العامة تضرب البيوت المصرية ومطالبات بإقالة وزير التربية والتعليم"طارق شوقي" .
واليكم اراء بعض اولياء الامور والطلاب في نتائج الثانوية العام ونظام البابل شيت الجديد 
أكد ولي الامر "عماد الدين محمود " بأن المشكله ان شباب كتير كانت شاطره وعملت اللى عليها بس المجموع كان صدمة.
وأضافت "نرمين محمد"منظومة فاشله وسهلت اكتر الغش.
واكدت "هبه عمر "لا طبعا المنظمة فشلت فى القضاء على كل أللى ذكرته بل هى زادته وللأسف أكثر المتضررين من المنظومة الطلاب أللي كانوا متفوقين.
واضاف "علي أبراهيم " للاسف الوزير بيجيب امتحانات صعبه علشان يثبت ان الدروس ملهاش فايده بس في الواقع بيعاقب الطالب مش المدرس والطلبه بتقبل اكتر علي الدروس وبتاخد في الماده الواحده درس واتنين.
وأكدت "فاطمة عباس" بان الدروس الخصوصية زادت وعدد اسئلة البابل شيت كتيرة ووقت الامتحان غير كافى والمنهج كتير على السنة محتاج يقل والعبء زاد على الطالب وأسرته.
وافادت "سماح سمير "ابن اختي من الاوائل طول عمره وطول السنه تكريمات من المدرسين لاجتيازه الامتحانات بتفوق وشهادات تقدير وفى الاخر مجموعه 57 %صدمه وقهره.
وأشارت "امتثال ايوب " لا طبعا نظام فاشل بكل المقاييس وولادنا بيدفعوا التمن حرام مجهود الاولاد اللى ذاكرت وراح هدر ياريت النظام القديم يرجع.
وافاد "يحي احمد" بان العكس والله الدروس زادت والبرايفت زاد اكتر علي حساب اولياء الامور وزاد الغش وزاد الرعب من الثانويه اللي كان بيقول هنقضي على خوف وقلق الثانوية والفاشل بيجيب درجات عاليه بالغش او بالصدفة في اختيارة للاجابات.
أكد "مصطفى الكبير" اوائل الثانوية خريجين سناتر والدروس اصبحت في كل المواد الدراسية،منهج ثانوى لم يتطور في حرف واحد من سنين،المنظومة قضت علي دور المدرسة والمدرسين وجيب اولياء الامور والطالب المجتهد، اصبح الغش اسهل وابسط بكتير بنظام الاختيار من متعدد.
وأختتمت "نسمه احمد " وقالت نتمنى ان تعود الثانويه العامه زي الأول اسئله مقاليه واختر واذكر السبب بدل تظليل إجابات وحاجه مختله علي الأقل كان فيه اسئله محدده متتعداش سؤالين بتحدد الطالب اللي بيقفل الماده من الطالب المتوسط من الضعيف.